Zinedine Zidane kapet me sulmin, i cili në dy ndeshjet e fundit ndaj Barcelonës dhe Atletiko Bilbaos nuk arriti të shënonte asnjë gol.
Trajneri i Realit të Madridit thotë se skuadra krijoi shumë volum, por duhet që patjetër të shënonte një gol.
Zidane thekson se në vitin 2020 duhet të përmirësohen në këtë aspekt.
“Më vjen shumë keq që ndodhi kështu, por kishim aq shumë raste, sa duhet të fitonim patjetër. Lojtarët bënë një sforco të madhe, por jemi të mërzitur që nuk e dërguam topin në rrjetë. Nëse ke raste, duhet që t’i shënosh dhe në tria ndeshjet e fundit kemi bërë lojë të mirë, por pa gola.
Nuk e di ta analizoj tani se çfarë ndodh, por nuk është shqetësuese. Do të ishte, nëse nuk do të krijonim rastet. Ne krijuam shumë volum loje, por herët a vonë topi do të shkojë në rrjetë.
Tani nuk po funksionon, por nuk duhet të demoralizohemi. Duhet të mendojmë që viti ka qenë shumë i mirë dhe tani duhet të rregullojmë disa gjëra për vitin 2020”, deklaroi Zidane.
