Reali i Madridit kërkon që të harrojë sa më shpejt sezonin aktual. Mbyllja e sezonit pa asnjë trofe do të futet në librat e errëta të historisë së klubit spanjoll.
Një ecuri të tillë pritet që presidenti i “Los Blancos”, Florentino Perez ta fshijë sa më shpejt nga truri dhe është gati të “thyej” bankën për të përforcuar ekipin.
Sipas mediave spanjolle, Perez ka vendosur në dispozicion të Zinedine Zidane një çek prej 540 milionë euro, shifër kjo që do shfrytëzohet për të sjell frymë të re në skuadër që në merkaton e verës.
Në listën e Zizu ndodhen emra si Paul Pogba, Eden Hazard, Christian Eriksen, Tanguy Ndombele dhe Luka Jovic. Pritet të shihet se kush do të jenë profilet e reja që do të afrohen në skuadër, por emri i parë duket se është ai i Eriksen.
Madje sipas burimeve, danezi ka firmosur një parakontratë me Realin për shifrën e 24 milionë eurove në sezon./newsport/
