Reali i Madridit kërkon dëshpërimisht një mbrojtës të djathtë, pasi në mungesë të Dani Karvahal, atë korsi askush nuk di ta menaxhojë. Dhe objektivi serioz i vendosur nga spanjollët është portugezi, Diogo Dalot.
Anësori, pasi shpërtheu në vitin e tij te Milani, ku luajti i huazuar, u rikthye në Mançester, ku tashmë ka marrë gradat e titullarit të padiskutueshëm dhe çdo ndeshje po rrit bindshëm nivelin.
Madje, ai që deri 2 vite më parë mund të blihej për 5-6 milionë euro, tashmë ka kaluar 30 milionët dhe Reali i Madridit është gati jo vetëm që ta bëjë të vetin, por të shkojë edhe përtej kësaj shifre.
