Ylli i Mançester Junajtid, Pol Pogba, pritet të veshë fanellën e Realit të Madridit në merkaton e verës. Kjo është “bomba” që vjen nga Anglia, konkretisht nga “Daily Mail”.
Francezi nuk është dhe aq i lumtur te Mançester Junajtid dhe gjasat janë të mëdha që ai të largohet nga “Old Trafford”. Mesfushori nuk gëzon formën më të mirë dhe Mourinjo e ka kritikuar në javën e fundit.
Reali i Madridit po e monitoron situatën e tij nga afër dhe është gati të bëjë një ofertë shumë të guximshme për ta sjellë në Spanjë.
Kuptohet që Mançester Junajtid nuk ka dëshirë ta shesë 24-vjeçarin, por oferta e madrilenëve mund të jetë joshëse.
Pogba u bashkua me “Djajtë e kuq” në vitin 2016 për 89 milionë paund. Ai ka një kontratë pesëvjeçare me klubin anglez. /Vipsport/
