Ky sezon, pritej të ishte ana tjetër e medaljes për Tiranën, pas atij sezoni të errët në Kategorinë e Parë, por kur janë luajtur 10 javët e para, bardheblutë duket se janë ekipi pretendent që të rikthehen edhe njëherë tjetër në të Parën.
Rezultatet negative iu faturuan Ze Marias i cili edhe u shkarkua nga detyra si trajner, ndërkohë që vendin e tij e zuri Ardian Mema. Në dy takimet e para, Mema numëron një humbje në Vlorë ndaj Flamurtarit dhe një barazim në Kamëz.
Pikërisht takimi i fundit, i ka irrituar jashtë mase tifozët e Tiranës të cilët nuk kanë ngurruar që të shajnë dhe ofendojnë stafin drejtues, por edhe futbollistët në faqen zyrtare të klubit.
Në takimin e djeshëm, Tirana u paraqit me fanellat e zeza dhe tifozët kanë kërkuar nga futbollistët që të mbajnë gjithmonë fanellën e zezë veshur, pasi nuk e meritojnë bardheblunë.
Sakaq, ka edhe komente që i krahasojnë futbollistët me pleqtë e Krujës, apo edhe ato të Pazarit të Ri. /VipSport/
