Nisur nga rezultati i thellë 3-0 ndaj Dinamos, në stadiumin kombëtar “Qemal Stafa”, të krijohet idela se për Vllaznisë ka qenë një fitore e lehtë dhe pa probleme. Por në fakt jo gjithçka ka qenë ashtu. Sigurisht që një ndër arsyet e këtij suksesi, ka qenë zhbllokimi i shpejtë i ndeshjes nga ana e kuqebluve, ku që në minutën e 8-të, ka qenë mbrojtësi arsen Sykaj, që kalon Vllazninë në avantazh. Por suksesi apo “çelësi” i kësaj fitoreje të thellë jashtë fushe, që është e para e këtij lloji për Vllazninë në këtë sezon, pa pësuar gol, duket se ka qenë “reforma” që trajneri Armir Grima ka bërë në formacionin e parë, duke lënë jashtë 18-esh disa nga blerjet e muajit janar. Kështu ndaj Dinamos, pamë një Vllazni më shumë shkodrane, e cila funksionoi mjaft mirë për 90 minuta, duke mos e vënë për asnjë moment në dyshim fitoren, e cila ka qenë bindëse, duke qetësuar dhe kampin shkodran për ndonjë rrezik të mundshëm për ndeshje shtesë në fund të këtij sezoni. Pavarsisht se blutë kryeqytetas, në mom,ente episodike, e kanë vënë disi në vështirësi mbrojtjen dhe portën e skuadrës shkodrane, dukej qartë se kuqeblutë në këtë ndeshje, që ishte për Dinamon për “jetë a vdekje”, ka qenë më e qartë, pa patur më shumë lëvizshmëri dhe harmoni në të gjitha drejtimet. Kanë shënuar mbrojtësit Arsen Sykaj e Gavrilo Petroviç, por edhe mesfushori Osli Gocaj, një gol mjeshtëror ky i fundit. Një factor shumë interesant dhe pozitiv për Vllazninë. Por golat kanë ardhur dy nga goditjet standarte dhe një nga aksioni, të gjitha për t’u mbajtur shënim si një ndryshim pozitiv i kësaj Vllaznie, e cila u paraqit me një fytyrë tjetër në “Qemal Stafa”, kësaj here, krejtësisht ndryshe nga ndeshjet er kaluara. Por sa keq, që ky ndryshim pozitiv vjen vetëm në fundin e sezonit, kur tani nuk ke kohë më për të rikuperuar asgjë. Megjithatë një diçka është pozitive në këtë mes dhe që duhet mbajtur shënim për sezonin e ardhshëm: kjo Vllaznia e tanishme ka harmoni dhe duhet patur në konsideratë për sezonin e ardhshëm. Prezenca e shkodranëve, i jep “ngjyrën” e duhur këtij ekipi, pa paragjykuar apo “mbyllur derën” aspak futbollistëve “jabanxhijnë”, në mënyrë të veçantë, atyre, që kanë vlerë dhe bëjnë diferencën. Urojmë të jetë kështu!Mejdan Zhivani
