Mbrojtësi Renato Malota dëshiron të rikuperojë sa më shpejt kohën e humbur në dy javët e fundit gjatë të cilave nuk u stërvit me skuadrën.
Për këtë arsye, ditën e sotme ai nuk ka humbur më kohë dhe ka dalë menjëherë në stërvitje.
Madje, ka zhvilluar dy seanca. Paradreke ka zhvilluar një seancë individuale nën drejtimin e trajnerit të përgatitjes atletike Gjergji Poloska.
Ndërkohë, pasdreke është bashkuar me ekipin në stërvitje por kuptohet duke zhvilluar sërish stërvitje të diferencuar.
Trajneri Gjoka ka bërë të ditur se do të bëhet maksimumi që Malota të jetë i gatshëm për të luajtur në ndeshjen e rradhës.
Atë që Vllaznia ka për të luajtur në Durrës ndaj Teutës vendase, një sfidë kjo shumë delikate për të dy skuadrat dhe padyshim që përvoja e mbrojtësit shtatëlartë të kuqebluve do të jetë një plur për ta në këtë ndeshje.
© shkodrasport.com
