Ndeshjet e javës së 27 të Kategorisë Superiore kanë sjellë rezultate të cilat kanë hapur luftën plotësisht sa u përket vendit të parë në renditje, por edhe zonës së ftohtë të klasifikimit.
Fitorja e Skënderbeut ndaj Bylisit, barazimi i Teutës ndaj Egnatias si dhe humbja e Tiranës në derbi, ka bërë që tashmë të katër skuadrat e fundit të tabelës, të jenë të mbledhura në 2 pikë, me Laçin sipër tyre që nuk është shumë larg.
Ndërkaq, Dinamo i është afruar me dy pikë Egnatias kryesuese, duke kapërcyer falë dy fitoreve të fundit me radhë Partizanin e Vllazninë, për të qenë ajo në vendin e dytë në klasifikim.
