Manchester United nuk planifikon të shkarkojë Ole Gunnar Solskjaer, edhe pse trajneri ka kuotën më të ulët të pikëve pas 24 ndeshjes në 30 vitet e fundit.
“Djajtë” mund të afroheshin në tri pikë nga katër vendet e para në Premierligë me fitoren ndaj Burnleyt, por mbrëmë ata pësuan humbje 0-2 në shtëpi, duke penguar edhe më shumë ambiciet e skuadrës së Solskjaer për kualifikim në edicionin e ardhshëm të Ligës së Kampionëve.
Megjithatë, “Sky Sports News” raporton se bordi i Manchester United ka konfirmuar besimin ndaj Solskjaer, i cili nuk do të shkarkohet nga detyra.
Solskjaer mori përgjegjësinë për humbjen dhe konfirmoi vendosmërinë e klubit për të sjellë përforcime në mënyrë që të kompensohet edhe mungesa e disa yjeve të skuadrës që aktualisht janë të dëmtuar.
