Javën, që kaloi Besëlidhja vërtetë mori një pikë shumë të çmuar në Lushnjë, por trajneri i lezhjanëve i bën thirrje gjithë skuadrës së tij se nuk ka vend për eufori. Madje ai thekson faktin se ekipi, që po drejton, por bën vetëm detyrën dhe asgjë më shumë. Këtë e ka cituar vetë tekniku Ridvan Kulli. Për kreun e pankinës së Besëlidhjes, ky ekip ka ardhur duke u konsoliduar ndeshje pas ndeshjeje, por që i mbetet shumë piunë për të bërë. “Është vlereësuar nga të gjithë, si shumë pozitive marrja e pikës, në barazimin 1-1 me Lushnjën, javën që kaloi. Natyrisht, që është e tillë, pasi ekipi lushnjar, ka në përbërje lojtarë shumë cilësor dhe ka një traditë, që tashmë dihet. Dikujt i ngjan edhe si fitore kjo pikë e marrë në Myzeqe, ndërsa për mua, Besëlidhja po bën vetëm detyrën që i takon.
Prandaj them se nuk ka vend për aspak eufori. Madje do të shfrytëzoja rastin, përmes gazetës suaj, që t’u bëja të qartë, edhe publikisht, futbollistëve të mi, se nuk ka vend aspak për eufori, përkundrazi, tani fillon e bëhet më e vështira puna për ne dhe gara në tërësi”, ka cituar në fillim tekniku i lezhjanëve. Ndërsa më pas, është ndalur tek ndeshja e radhës me Butrintin në Lezhë. Për Kullin, kjo ndeshje, vlen njëlloj si gjithë të tjerat: vetëm tre pikë. “Kur e citova pak më lart faktin se nuk ka vend për eufori, e kisha fjalën edhe për takimin e ditës së shtunë, ndaj Butrintit. Vërtetë jemi në krye, por çdo ndeshje duhet vlerësuar njëlloj. Kështu që edhe ndaj sarandiotëve të vlefshme janë vetëm tre pikët dhe nuk duhet diskutuar, por kërkohet përkushtim dhe përqëndrim ashtu si në takimet e kaluara. Vetëm kështu mund të krijojmë stabilitet, jo vetëm në lojë, por edhe në rezultate, duke synuar arritjen e objektivit, që është ngjitja në Superligë. Nuk duhet gabuar kurrsesi në asnjë ndeshje në fushën tonë, prandaj edhe këtë javë, duhet të konsolidohemi akoma më shumë në vendin e parë, vetëm duke fituar ndaj Butrintit, për të cilën kam shumë besim se lojtarët e mi do të dinë ta vlerësojnë siç duhet dhe të marrin tre pikët”, ka mbyllu prononcimin e tij, trajneri i Besëlidhjes Rivan Kulli.
