Elseid Hysaj vazhdon negociatat me Napolin për rinovimin e kontratës që i përfundon në mbyllje të këtij sezoni. Një situatë pasigurie për të ardhmen, por që flet në favor të Hysajt, i cili që në janar mund të fillojë kërkimin për një ekip të ri dhe në pozicion mjaft komod, pasi në verë largohet me parametër zero, që e bën shumë të preferuar nga klubet e tjera.
Mediat pranë klubit të Napolit kanë mësuar se bisedimet janë bllokuar për shkak të kërkesës së lartë që ka Hysaj për rrogën e rij.
Menaxheri i Hysajt i ka bërë të qartë Napolit se pret një pagë prej më shumë se 3 milionë eurosh për mbrojtësin shqiptar për rinovimin e kontratës
Aktualisht, Hysaj përfiton 1,6 milionë euro në sezon dhe kjo shifër e re që kërkon, është dyfishi i shumës që siguron ai në këtë vit të fundit te napoitanët. Negociatat vazhdojnë dhe në Itali presin që palët të gjejnë një gjuhë të përbashkët me një rrugë të ndërmjetme, një rrogë prej rreth 2,3-2,5 milionë eurosh në sezon për të vazhduar bashkëpunimin mes tyre. /vipsport/
