Strategjia e trajnerit të kombëtares shqiptare të futbollit, Christian Panucci tashmë është e qartë: zëvendësim i lojtarëve që janë në fundin e karrierës me talentët e rinj. Një prej tyre është edhe mbrojtësi i Hellas Verona, Marash Kumbulla.
Futbollisti i veronezëve ka debutuar edhe me kombëtaren kuqezi të 21 vjeçarëve, edhe pse sot feston ditëlindjen e tij të 19-të. Kumbulla është një talent i rritur te Hellas, teksa ka debutuar edhe me ekipin e parë, pikërisht në Kupën e Italisë kundër Catania këtë sezon.
Ai gjithashtu bëri debutimin e tij në Serie B më 27 dhjetor, në një fitore 4-0 në shtëpi mbi Cittadella.
Kohët e fundit ai nënshkroi rinovimin me Hellas deri në vitin 2022 dhe shumë shpejt pritet të vihet nën urdhërat e Panuccit./newsport/
