Andy Robertson është i bindur se koha e tij në Liverpool nuk ka përfunduar ende, pavarësisht se klubi i “Merseyside” është duke kërkuar për një zëvendësues. 31-vjeçari nënshkroi për “reds” në vitin 2017, por mediat thonë se Liverpool është në kërkim të një zëvendësuesi.
Kapiteni i Skocisë, iu drejtua spekulimeve, duke thënë: “Unë mendoj se po flitet sikur Liverpool po kërkon çdo mbrojtës të majtë në botë. Këto gjëra ndodhin kur luan me një nga klubet më të mëdha në botë. Unë i kthej sytë pas gjatë këtyre tetë viteve që kam pasur si mbrojtësi në këtë klub dhe ndihem shumë krenar”.
“Do të vijë një moment që do të largohem, por mendoj se ajo kohë është ende larg. Besoj se koha ime te Liverpool nuk ka mbaruar ende. Edhe nëse sjellim dikë tjetër këtu, unë gjithmonë do ta mbështes veten. Këtë sezon ka pasur disa momente kur nuk e kam mbuluar veten me lavdi, por disa gjëra janë nxjerrë jashtë proporcionit”, tha Robertson.
“Unë mendoj se nivelet e mia të performancës kanë qenë të mira, kam pasur një sezon relativisht të mirë. Kjo është bota në të cilën jetojmë, kjo është Premier League. Të gjithë kanë sytë nga ju. Unë jam gjithmonë i sigurt në aftësitë e mia. Këtë e kam treguar gjatë gjithë karrierës sime, por veçanërisht gjatë kohës sime në Liverpool”, tha Robertson./telesport/
