Gjithmonë protagonist. Dhe nuk ka rëndësi nëse bëhet fjalë për numra brenda fushës apo situata që nuk kanë lidhje me futbollin, kur flitet për Ronaldinho-n është e vështirë që të mos bëhet fjalë për diçka të veçantë. Kështu, pas tërheqjes së pasaportës, problemet me autoritetet financiare braziliane dhe zbulimit të boshatisjes së papritur të llogarisë bankare, jeta e tij private është kthyer në qendër të vëmendjes.

Në verë është folur për mundësinë që Dinho të martohej njëkohësisht me dy gra. Këto zëra u përgënjeshtruan në atë kohë, por tani janë kthyer…

E përditshmja braziliane “Jornal Extra”, në fakt, ka konfirmuar lidhjen e ish-fantazistit me Priscilla Coelho dhe Beatriz Souza, duke shkruar në detaje për festën për ndërrimin e viteve që braziliani duket se ka organizuar me dy të fejuarat e tij.

“Të tre do ta kalojnë fillimin e vitit në Buzios, një resort i famshëm në Rio de Zhaneiro. Ronaldinho është përballur me presionin e familjes së tij dhe është kthyer të jetojë në shtëpinë e tij në Barra, në perëndim të Rio de Zhaneiro. Gjatë periudhës që janë ndarë, Dinho ka shëtitur botën, duke vizituar vende si Kina dhe Maroku”.

Domethënë, pavarësisht kundërshtimit të familjes, braziliani nuk ka dëshirë të ndahet nga partneret e tij. Dhe as Priscilla Coelho me Beatriz Souza nuk duken shumë të shqetësuara nga kjo situatë. Nga ana tjetër, siç ka shkuar “AS”, Dinho bën gjithçka është e mundur që ato të ndihen të veçanta.

Madje… të barabarta. Shpenzon njësoj për të dyja dhe i trajton në të njëjtën mënyrë. Edhe pse mes dy femrave, ajo që duket se e shijon më shumë këtë lidhje është Priscilla, që shpesh publikon në Instagram dhuratat që merr nga i fejuari i saj dhe udhëtimet që bën çifti (madje, treshja). Dhe, si gjithmonë, kur bëhet fjalë për Ronaldinho-n, gjithçka është speciale. Kështu ishte në fushë dhe kështu është edhe jashtë saj…

ARTIKUJ TË NGJASHËMMË SHUMË NGA AUTORI