Trajneri i Juventusit, Andrea Pirlo ka folur në prag të sfidës kundër Barcelonës e cila do të zhvillohet ditën e mërkurë për fazën e grupeve të Champions Leagues.
Pirlo konfirmoi se Chiellini do të humbasë këtë ndeshje për shkak të dëmtimit, dhe Leonardo Bonucci është nën pikëpyetje.
Situata e De Ligt është pak e komplikuar, holandezi po stërvitet por mjekët akoma nuk japin drita jeshile për t’u kthyer në fushë.
Pyetja është nëse Ronaldo do të jetë në gjendje të luajë?
“Sonte do të marrim një përgjigje zyrtare për Ronaldon, Chiellini sigurisht nuk luan. Kurse për Bonuccin do të njoftohem nesër. De Licht po stërvitet, por ekipi mjekësor nuk ka dhënë ende dritën jeshile”, tha Pirlo.
Barcelona? “Është një ekip me kampionë të mëdhenj, nëse duam një rezultat pozitiv do të duhet të jemi në një nivel të lartë. Lojtarët duhet të luajnë sa më mirë”, përfundoi Pirlo.
