Mbrojtësi i Juventusit, Pier Kalulu, në punë me pjesën tjetër të ekipit për ndeshjen me Romën, u intervistua nga kanalet zyrtare të klubit në “Small Talk”, podcastin e ri ku thellohet në historitë e protagonistëve të Juventusit, duke folur më gjatë për jetën e tij.
Aspektet që lidhen me futbollin, por gjithashtu dhe më shumë me jetën private, për të njohur më mirë ata që mbajnë fanellën bardhezi. Intervista fillon në një mënyrë simpatike, në ritmin e… muzikës: “Nuk kam kënduar kurrë në karaoke, disa miq më kanë kërkuar të shkoj atje, por deri tani këndoj vetëm në makinë ose kur jam duke luajtur video-lojëra. Në dush? Jo. Nuk mendoj se jam shumë i mirë. Kush është më i miri në dhomën e zhveshjes? Ueah është i mirë, ka një zë të bukur dhe imagjinatë të madhe. Edhe Mekeni është i mirë, amerikanët kanë ritmin e duhur. E bëjnë të duket e lehtë, janë të dy të mirë”.
ITALIA- “Që kur erdha në Itali, mësova të qëndroj mirë vetëm. Në fillim ishte pak e çuditshme sepse kam lindur në një familje të madhe dhe gjithmonë kishte zhurmë. Pastaj u mësova me kalimin e kohës dhe tani më pëlqen. Shkoj edhe në restorant vetëm dhe mund ta bëj të njëjtën gjë edhe për kinemanë. Kur erdha në Itali, kuptova se sa francez isha. Më mungonin gjërat e vogla. Çfarë më bën mua një francez? Tri gjëra: di të bëj shaka, mëngjesi dhe frazat dialektore”.
MILANI- A ka luajtur Toni Parker (ylli i NBA) rol në vendimin tim për të shkuar te Milani? Po, në Francë është një legjendë dhe një yll i vërtetë. Si e kam njohur? Po luaja videolojëra, dola pak jashtë për të parë dritën e diellit dhe pastaj pashë një telefonatë nga SHBA. Mendova se ishte një numër gabim ose ndonjë ofertë komerciale. Më pas mora një mesazh nga dikush që më tha se do të merrja një telefonatë nga Toni Parker. Kemi biseduar gjatë për karrierën e tij, se zgjedhjet janë të vështira, por duhet të merren dhe duhet guxim. Diskutuam për aspektet pozitive, se sa shumë më donte klubi. Pas bisedës kisha një siguri të çuditshme, por më ngatërroi pak. Ishte zgjedhja e duhur, po të mos kishim folur, nuk do të isha këtu”, tha ndër të tjera Kalulu.
