Ndeshjen e fundit të këtij viti Ada do ta luajë në fushën e saj ndaj ekipit të Luzit. Padyshim që velipojakët presin ta mbyllin me fitore dhe po përgatiten për këtë gjë. Përpara ndeshjes, një nga drejtuesit e lartë të klubit, Ylvi Rroji, ka dashur që përmes “Shkodra Sport” t’u japë një mesazh futbollistëve të tij.
“Ekipi i Adës po përgatitet gjatë gjithë javëë për të zhvilluar një loje cilësore dhe mos të ndalet nga rezultatet pozitive e të marrë një trepikësh që të kënaqë spordashësit e vet. Duke vleërsuar djersën e derdhur të këtyre djemve pozitiv duhet ta mbyllim fazën e parë të kampionatit me fitore dinjitoze.
Ekipi i Adës do ta zhvillojë ndeshjen këtë të dielë në stadiumin “Adriatik” të Velipojës me ekipin e Luzit.
Ekipi ynë gjithmonë ka zhvilluar lojëra të bukura në fushën e tij, e ajo që vlen për t’u përmendur është se ka frymë grupit dhe udhëhiqet nga vlerat.
Atë që dua t’i them ekipit, është se ai ka argument besimin për të shkuar tek fitorja. Lojtarët duhet të besojnë te vetja nëse duan të bëjnë një hap të madh përpara. Nëse doni më shumë sukses mos u dorëzohuni.
Dua të ju them se: Besimet tuaja, bindjet, vlerat, zakonet, cilësitë, talenti, komunikimi, sjellja, karakteri, identiteti, eksperienca, edukimi, besimi, njohja e vetes ju bën ju të suksesshëm. Prandaj ju them, jeni në rrugë të mbarë për një futboll më cilësor, suksese dhe me fitore”- ka deklaruar Rroji.
© shkodrasport.com
