Shumë gjëra kanë ndryshuar për mirë sivjet tek Ada. Me përjashtim të një humbje, edhe ajo e kushtëzuar nga një arbitrim jo i mirë, në tre ndeshjet e tjera velipojakët kanë treguar nivel dhe kanë arritur dy fitore dhe një barazim duke qenë kësisoj në kuotën e 7 pikëve dhe në mes vendeve të para të renditjes.
Njëri nga zyrtarët e kësaj skuadre, pikërisht Ylvi Rroji, në një prononcim për “Shkodra Sport” shpjegon dhe kyçin e suksesit të deritanishë të saj.
“Ada po ecën e sigurtë drejt suksesit sepse mbi të gjitha tek ajo funksionon grupi, stërvitja që zhvillon është intensive dhe po ashtu ka edhe forcë karakteri.
Ajo që po i transmetohet këto ditë ekipit në prag të ndeshjes me Klosin, është vetëm një: Çështja e besimit. Çfarë do të thotë besim? Do të thotë që lojtarët e duhur të gjenden në vendin e duhur.
Të kenë karakter sepse kjo gjë nuk mund të negociohet me askënd dhe padyshim që prioriteti është arritja e objektivit të caktuar, fitores në ndeshjen e rradhës.
Vetëm në këtë mënyrë mund të arrijmë objektivin që kemi të renditemi në tre vendet e para të renditjes”.
© shkodrasport.com
