Ka marrë fund enigma e trajnerit të Vllaznisë. Rudi Vata do të jetë trajneri i ri i kuqebluve. Prezantimi i tij para mediave do të bëhet në orën 16.00 në zyrat e klubit shkodran. Ky është njoftimi zyrtar që sapo është shpërndarë nga zyra e shtypit e klubit. Në këtë mënyrë ka marrë fund edhe dilema për trajnerin që do drejtojë Vllazninë në pjesën e mbetur të sezonit.
Rudi Vata ka marrë kështu detyrën e vështirë të ringritjes së kësaj skuadre sërish në nivelet më të larta por natyrisht që atij i duhet besuar për përvojën e madhe që ka si ish-futbollist, kapiten i kombëtares dhe futbollist me shumë ekipe të njohura në Europë.
