Këshilli Bashkiak i Malësisë së Madhe nderoi ish -futbollistin e kombëtares Shqiptare Rudi Vata duke e shpallur Qytetar Nderi i kësaj treve me motivacionin:
”Për kontributin e tij në sportin shqiptar dhe për nderimin që i ka bërë Malësisë së Madhe” duke qënë se Vata i ka rrënjët nga kjo zonë.Titullin ia dorëzoi kreu i kësaj bashkie Tonin Marinaj
Rudi Vata nuk fshehu emocionet e tij duke thënë se ndihet krenar për vlerësimin që i bëri kjo zonë nga ku tha se ka rrënjët e tij.
Ndërkohë që Malësia e Madhe i dha titullin qytetar nderi, ish-trajneri i kombetares shqiptare te futbollit Astrit Hafizi ka thene se këtë titull, duhet t’ia japë edhe Bashkia e Shkodrës.
Ndërkohë babai i mbrojtësit të kombëtares tonë Elseid Hysaj i dhuroi Rudi Vatës bluzën origjinale me numrin 4 të cilën e mban djali i tij.
Rudi Vata ka lindur me 3 Shkurt të vitit 1970 në Shkodër. Ai ka qënë ish futbollist i kombëtares Shqiptare, Vata është aktivizuar pak kohë me ekipin e tij Vllazninë ndërkohë në periudhën 2011-2012 ai e drejtoi këtë ekip.
