Nuk është sekret që Bayern Munich është shumë i rezervuar në shpenzimin e milionave për të realizuar blerje, dhe madje për një arsye të mirë.
Hiperinflacioni në tregun e merkatos së sotme ka bërë që transferimi i futbollistëve në klubet elitare të Europës të kalojë shumën e €100 milionëve në një të mbyllur të qepallave.
Por, drejtuesi i lartë i Bayern Munich, Karl-Heinz Rummenigge ka zbuluar përmes një interviste të dhënë për ‘BayernTV’ se klubi bavarez ka mundësitë financiare dhe vullnetin që të shpenzojë një shumë të majme parash për një futbollist të vetëm,
në rast se shansi i duhur do të shfaqej, por vetëm se kampionët në fuqi të Gjermanisë kanë një filozofi të ndryshme nga klubet e tjera, në lidhje me transferimet.
“Të blesh vetëm për t’i bërë qejfin tifozëve nuk funksionon. Të kushton tmerrësisht shumë në terma financiarë, përmes pagimit të klauzolave dhe rrogave.
Ne kemi fituar shumë të konsiderueshme këtë verë dhe kemi të gjitha kapacitetet financiare, nëse shohim domosdoshmërinë për një transferim të tillë.
Prandaj jemi të qetë kur shohim drejt të ardhmes”, deklaroi Rummenigge, duke shprehur një përqasje më fleksibël drejt një mega-blerje potenciale për klubin e Bayern Munich./telesport/
