Pasditen e sotme në Vushtrri është luajtur ndeshja miqësore në mes ekipit vendas që siç dihet këtë sezon do të drejtohet nga trajneri shkodran Samuel Nikaj dhe ekipit të Gjilanit që merr pjesë në Superligën kosovare.
Ndonëse parimisht duhej të kishte njëfarë diference në lojë në favor të gjilanasve, në fakt nuk ka ndodhur kështu. Vushtrria ka zhvilluar një lojë shumë të mirë dhe ka fituar 1-0. Golin e fitores e ka shënuar sulmuesi lezhjan Anton Lleshi me një goditje të shkëlqyer nga jashtë zone.
Ky ka qeën debutimi i Nikajt në krye të kësaj skuadre dhe e ka nisur me këmbë të mbarë. Përballë Gjilanit të përforcuar kohët e fundit edhe me mesfushorin shkodran Ansi Nika, sulmuesin lushnjar Brunild Pepa dhe mbrojtësi fierak Ledion Muça.
Megjithatë Vushtrria ka treguar se do të jetë pretendentja kryesore për ngjitjen në Superligë gjatë sezonit që vjen. Ky do të ishte ekipi i tretë rradhazi me të njëjtin sukses nën drejtimin e Samuel Nikajt pas Flamurtarit të Prishtinës dhe Kastriotit të Krujës.
© shkodrasport.com
