Interi i sotëm po i afrohet gjithmonë e më shumë atij të 2010-ës: ndoshta do nevojitet edhe pak kohë për të formuar një grup si ai i Zhoze Murinjos për të synuar Tripletën, por skuadra e Luçiano Spaletit po hedh hapat e duhur.
Dhe një skuadre të fortë i nevojitet një “kështjellë” e besueshme. Zikaltrit këtë vit mund të bazohen te një faktor vendimtar për arritjen e objektivave: “San Siro”-n.
MURE MIKE – Brenda mureve mike, Interi nuk ka dështuar në (thuajse) asnjë përballje. Gjatë këtij sezoni numëron vetëm një humbje, 0-1 me Parmën (në 15 shtator të këtij viti), por pas asaj ndeshjeje zhgënjyese bilanci është pozitiv:
nga dymbëdhjetë takimet pasardhëse të zhvilluara këtë sezon në impiantin milanez (9 në kampionat dhe 3 në Champions) janë regjistruar 8 fitore (me Totenhemin, Fiorentinën, Kaljarin, Milanin, Barcelonën, Xhenoan, Frozinonen, Udinezen dhe të mërkurën me Napolin) dhe 3 barazime (me Barçën, PSV-në dhe Kievon). Me plot 6 “clean sheet” (pa gola të pësuar): një “fortesë” e vërtetë.
