Alexis Sanchez thotë se ylli i Barcelona-s Lionel Messi qau pas gjysmëfinales së humbur në Champions League ndaj Chelsea-t në 2012.
Messi humbi një penallti teksa katalanasit shpërdoruan një avantazh të dyfishtë ndaj një skuadre që luante me një lojtar më pak pasi John Terry kishte dalë me karton të kuq.
Sulmuesi i Manchester United, i cili fiton 400,000 euro në javë në Old Trafford, gjithashtu beson se lojtarët kritikohen pa të drejtë në bazë të parave të fituara.
“Mendoj se futbolli shpëton shumë jetë njerëzish,” shprehet kiliani për Sky Sport. “Mund të të japë një jetë luksoze, por njerëzit nuk e shohin mundin në prapaskenë.
“Kjo do të thotë se nuk do të shohësh familjen, të humbasësh ditëlindjen e mamasë tënde, shumë lojtarë janë aq të fokusuar sa që humbasin ditëlindjen e fëmijëve të tyre.
“Mund të qash pas një finaleje të humbur. Kjo është pjesë e futbollit. Në dhomën e zhveshjes së Barcelona-s pas ndeshjes me Chelsea-n, pashë Messi-n duke qarë.
Kjo pasi lojtarët kanë pritshmëri të mëdha ndaj vetes. Njerëzit nuk i shohin këto gjëra.” /telesport/
