Nje nga trajneret me te mire te boksit ne Shqiperi, padyshim qe eshte edhe shkodrani Sead Bushati. Nga duart e tij kane dale nder boksieret me te mire ne vend dhe per kete arsye ai ndjehet krenar. Nderkohe sot eshte duke i stervitur keto sportiste per ndeshjet e boksit profesionist qe do te zhvillohen pas pak ditesh ne Tirane.
“Për mua nuk ka vështirësi në përgatitjen e tyre ngaqë këto sportistë që sot ndeshen në boksin profesionist, i kam trajnuar që në moshën 12-13 vjeçare dh janë rritur me mua. Të gjithë kanë qenë të disiplinuar.
Ky është një turne i boksit profesionist, është i rëndësishëm sa i përket karrierës së sportistëve tanë në boksin profesionist. Mendoj se u shërben për të ecur sa më tepër në renditjen e boksierëve në botë.
Ndeshje të bukura? Gjithçka është në varësi të kundërshtarëve që vijnë. Nëse vijnë të mirë e të fortë, edhe evenimenti do të dalë shumë mirë. Shpresoj të vijnë të denjë dhe të fortë.
Kush është boksieri më i mirë shqiptar aktual këtu? Boksieri shqiptar aktual, mendoj se me performancën që bëri në Botëror, është aktualisht Alban Beqiri. Por ka edhe shumë boksierë të tjerë në botë. Janë Haxhi Krasniqi, apo edhe Jurgen Uldedaj të cilin e kam stërvitur unë”- eshte shprehur trajneri Bushati.
