Verën e kaluar, ndryshe nga herë e mëparshme merkatoja e verës në të gjitha kampionatet e futbollit, u mbyll një ditë para se të niste sezoni i ri, por kjo mund të mos aplikohet këtë verë. Kanë pikërisht italianët ata të cilët kanë shfaqur pakënaqësi për datën, duke shprehur dëshirën që merkatoja të mbyllet në datën 31 gusht.
Seria A e nis sezonin e ri në datën 24 gusht dhe me rregulloren e re që FIFA ka vendosur, merkatoja duhet që të mbyllet në datën 23 gusht. Italianët kanë kërkuar që kjo datë të hiqet dhe të lejohet merkato deri në fund të gushtit.
Natyrisht, Italia mund ta bëjë këtë ndryshim për transferimet brenda vendit, ndërkohë që synohet që të lejohen afrime edhe nga skuadra të huaja.
Fillimisht, Italia kundërshtoi rregullin për merkaton e janarit pasi edhe në dimër synohej e njëjta politikë, por kjo u kundërshtua nga italianët dhe u vendos që merkatoja të zgjaste deri në 31 janar, gjë e cila u aplikua më pas për të gjitha vendet. /VipSport/
