Dritan Shakohoxha ka kritikuar paraqitjen e Kombëtares shqiptare, duke e cilësuar si të fikur ekipin në përballjen me Kazakistanin që përfundoi me shifrat 0-0.
“Mister, kjo skuadër është e fikur. Po dëgjoj që thuhet edhe nga lojtarët që luajtëm shumë mirë, por ndoshta kemi parë ndeshje tjetër ne këtej nga studio…
Çfarë nuk shkon me skuadrën, sepse nuk ka “zjarrin” që e karakterizon përherë?”, – ishte pyetja e gazetarit të “Supersport”.
Reja nga ana tjetër është përgjigjur me një batutë, duke thënë: “Grinta dhe “zjarri” që ne kërkojmë të gjithë nuk mund të blihet në farmaci”.
Shakohoxha replikoi sërish duke thënë se në farmacia mund të blejë çdokush shumë gjëra, por grinta injektohet dhe përgjegjësia në këtë rast është edhe e trajnerit.
