Ditën e shtunë Besëlidhja do të presë në shtëpi skuadrën e Tomorit, për të zhvilluar mes tyre edhe sfidën e javës së 22-të të Kategorisë së Parë. Kjo përballje do të startojë në orën 15:00 dhe për lezhjanët është shumë e rëndësishme, pasi kërkohen pikët për mbijetesën.
Nëpërmjet një postimi në rrjetet sociale, klubi i Besëlidhjes ka bërë një njoftim shumë të rëndësishëm për tifozët. Klubi i fton ata të jenë të shumtë në numër në mbështetje të skuadrës në ëkto ndeshje vendimtare të cilësuara si shanci i fundit për qëndrimin në Kategorinë e parë. Gjithashtu hyrja në stadium do të jetë falas.
“Ditën e shtunë, ora 15:00 në stadiumin tonë luajmë shanset për qëndrimin në Kategorinë e parë. Mos harro eja në stadium, eja e mbështet lojtarët. Hyrja do të jetë falas për të gjithë tifozët. Merr një shok me vetë dhe eja në stadium”, thuhet në postimin e klubit lezhjan.
Kujtojmë se Besëlidhja renditet e fundit në tabelën e klasifikimit me vetëm 17 pikë pas 21-javësh të luajtura./newsport/
