Një tjetër fitore në kampionat për Besëlidhjen e cila pas javës së dytë kryeson renditjen bashkë me Korabin. Ditën e sotme lezhjanët kanë fituar në transfertë me rezultatin e thellë 6-2 ndaj ekipit “Partizani B”.
Një kontribut të madh edhe në këtë sukses kanë luajtur futbollistët shkodranë që luajnë me Besëlidhjen, madje tre prej tyre kanë qenë edhe autorë golash në këtë përballje, raporton shkodrasport.com.
Ai që ka hapur serinë e golave ka qenë sulmuesi shkodran Arsen Hajdari në minutën e 18-të. Përpos tij në këtë pjesë kanë shënuar edhe Bushi, Gega si dhe Samet Hepaj, Pjesa e parë në këtë mënyrë është mbyllur me rezultatin e thellë 4-0.
Në pjesën e dytë ndërkohë, si Besëlidhja ashtu edhe Partizani B kanë shënuar nga dy gola secili duke bërë që i gjithë takimi të mbyllej me shifrat 6-2 në favor të lezhjanëve, raporton shkodrasport.com.
Për ta në këtë pjesë përveç Xhorxheviç ka shënuar edhe shkodrani tjetër, sulmuesi Arenc Dibra. Ky i fundit në këtë mënyrë rikthehet tek goli pas një kohe të gjatë larg fushave të blerta dhe me siguri që në të ardhmen do të shndërrohet në një element të rëndësishëm për lezhjanët.
Në fakt për ta të gjithë shkodranët janë të rëndësishëm dhe përbëjnë bazën e këtij ekipi që edhe sivjet pritet të jetë një nga pretendentët për t’u ngjitur në kategorinë Superiore ashtu si dhe sezonin e kaluar./SHKODRA-SPORT.COM/
