Gjatë ndeshjes së sotme Kukësi- Tirana luajtur në stadiumin “Loro Boriçi” të Shkodrës ka ndodhur një incident i shëmtuar.
Në një moment të lojës, tifozët bardheblu janë rrahur me njëri- tjetrin duke shkaktuar një situatë sa qesharake aq edhe të pakuptueshme në stadium.
Sherri duket se ka ndodhur sepse një pjesë e tifozëve ka nisur të shajë në kor presidentin Refik Halili por kjo gjë nuk i ka pëlqyer pjesës tjetër dhe prandaj ka plasur sherri.
Sigurisht që kjo nuk i intereson pjesës tjetër të sportdashësve por ky sherr ka lënë edhe pasoja. Mjafton kjo foto që po postojmë për të treguar dëmin që kanë bërë këta tifozë.
Vetëm një hapësirë e vogël duket në këtë foto dhe shihen qartë me dhjetra karrige të thyera nga këto tifozë. Pyetja që lind është se kush do t’i paguajë këto dëme?
Me siguri që klubi Tirana sepse në fund të fundit janë tifozët e saj. Diçka absurde sepse këta tifozë kanë sharë e ofenduar atë president që duhet të paguajë për to.
Komisionet përkatëse në FSHF nuk duhet t’i tolerojnë aspak këto gjeste sepse në fund të fundit kemi të bëjmë me një stadium bashkëkohor dhe nëse dëmtime të tilla vazhdojnë, ai shumë shpejt do të dalë jashtë përdorimit.
© shkodrasport.com
