Vllaznia- Tirana pritet me interes sonte ne Shkoder sepse kemi te bejme me nje perballje ne mes dy skuadrave me shume tradite ne basketbollin shqiptar dhe qe do te rivalizojne fort me njera- tjetren edhe ne kete perballje.
Kuptohet qe shkodranet konsiderohen favorite megjithate edhe tiranasit kane pretendimet e tyre. Pretendime qe i kane rritur pas fitores se javes se kaluar ndaj ekipit kryesues te kampionatit, Teutes.
Dhe perderisa kane mundur ekipin e vendit te pare, kuptohet qe bardheblute duan te mundin edhe ate te vendit te dyte, Vllaznine. Ne prag te kesaj ndeshje ka dhene nje prononcim per mediat, lojtari kryesor i Tiranes, pikerisht Gerti Shima.
“Vllaznia eshte nje nga ekipet pretendente per titull, ashtu sikurse Teuta dhe Goga. Por ne shkojme ne kete takim pas nje fitoreje te bukur me Teuten dhe besoj se edhe ndaj Vllaznise do te jete nje ndeshje e veshtire, posi perballe kemi nje ekip te forte, ku baza e tij jane lojtaret e huaj.
Gjithashtu luajme para tifozeve te tyre, keshtu qe do te jete nje ndeshje interesante dhe ne duhet te japim me te miren tone, nese duam qe te kapim zone play- off. Mundesite i kemi dhe besoj se do te bejme nje ndeshje te mire”- ka deklaruar Shima, i cili eshte nje nga pikat me te forta jo vetem te ketij ekipi por edhe te kombetares shqiptare.
