Ridel në skenë emri I Nikolla Vujoviç. Sulmuesi malazez emri I të cilit ka kohë që përflitet në kampin shkodran, mund të ndiqet sot në një ndeshje miqësore nga drejtues të Vllaznisë. Vujoviç luan në rradhët e skuadrës Mogren të Budvas në Mal të Zi dhe ka shënuar 9 gola në fazën e parë të kampionatit fqinj. Ai nuk ka pranuar të vijë për provë por ka thënë se nëse drejtuesit e Vllaznisë janë të interesuar ta shohin, mund ta bëjnë këtë gjë në miqësoren e sotme Mogren- Radniçki. Kandidati për president I klubit shkodran Agron Çela është sinjalizuar për këtë gjë dhe ka bërë të ditur se sot mund të dërgojë një apo dy persona të klubit për ta ndjekur në këtë miqësore dhe nëse binden për formën e tij, pastaj do ulen të bisedojnë për kontratën. Vllaznisë në fakt I ishte sugjeruar edhe Bozho Miliç, një tjetër sulmues malazez por ai tashmë ndodhet në Çeki në bisedime me një skuadër atje. Tek kuqeblutë vazhdon të jetë Xhorxhe Cetkoviç por edhe ai me shumë siguri nuk do të qëndrojë gjatë sepse prêt të ulet edhe ai në bisedime për çështjet kontraktuale nëse drejtuesit e Vllaznisë kanë vendosur për ta mbajtur.
www.shkodrasport.com
