Karriera e futbollistit 18 vjeçar Andreas Ndoj po shkon në mënyrën e duhur dhe deri më tani po njeh vetëm rritje. Ditët e fundit ai ka marrë ftesën nga kombëtarja U19 e Greqisë.
Lojtari që luan me Akademinë e Olimpiakosit po spikat me performancën e tij dhe si rrjedhojë edhe stafi i ekipeve kombëtare greke e ka gjithnjë në vëmendje. Ai ka qenë edhe pjesë e kombëtareve U17 dhe U18 të këtij vendi, ndërkohë që tani do të grumbullohet edhe me atë U19.
Por nga ana tjetër, edhe me Olimpiakosin gjërat i kanë shkuar ashtu si duhet. Nisur edhe nga performanca shumë e mirë që ai është duke bërë me ekipin e të rinjve, Ndoj grumbullohet dhe luan edhe me ekipin “Olimpiakos B” që merr pjesë në kategorinë e dytë të Greqisë.
Dhe të mos harrojmë se Andreas është vetëm 18 vjeç. Po ashtu, drejtuesit e klubit e kanë federuar edhe si pjesë e ekipit të parë (LISTA B) për ndeshjet që Olimpiakos është duke zhvilluar në “UEFA Europa League”.
Ne kete menyre Andreas Ndoj po hedh hapa te rendesishem ne karrieren e tij dhe me siguri qe shume shpejt do ta shohim duke luajtur edhe ne nivele te larta me ekipet e te rriturve, ashtu siç eshte duke bere edhe shqiptar tjeter, Mario Mitaj tek AEK.
Gjergj KOLA
