Tre ndeshje në “Elite Round” për kombëtaren U17 të Italisë dhe në të tre ato, portën axurre e ka mbrojtur një shkodran: Marco Molla.
Edhe në takimin e sotëm, i fundit në grup, ai ndaj Austrisë, ai ka bërë sërish paraqitje shumë të mirë duke kontribuar në fitoren 4-1 të Italisë e cila me tre fitore siguroi vendin e parë në grup dhe kualifikimin për në turin e dytë të këtij kompeticioni.
Fakti që Molla ka fituar besimin e stafit teknik, tregon se tashmë për vlerat e tij janë të bindur të gjithë. 16 vjeçari vetëm për pak muaj është shndërruar në një pikë të rëndësishme të formacionit të kësaj kombëtareje të Italisë.
Në tre ndeshjet e zhvilluara së fundmi në Turqi, shkodrani i lindur në Itali ka luajtur për 270 minuta në fushë dhe ka pësuar vetëm një gol. Karriera e tij po njeh vetëm rritje dhe padyshim që me këtë ritëm me të cilën ajo po ec, me siguri që shumë shpejt emri i tij do të bëhet shumë i njohur në Itali por edhe më gjerë.
Padyshim që zgjedhja e tij për të lënë Shqipërinë dhe për t’iu bashkuar Italisë (pas disa problemeve që hasi në grumbullimin me kombëtaren kuqezi) po rezulton e suksesshme.
© shkodrasport.com
