Sistemi VAR u përdor për herë të parë në këtë sezon të Champions League, teksa ende vazhdojnë diskutimet nga opinionet e shumta nëse teknologjia ndihmon më shumë në sport. Edhe në finalen e djeshme të Ligës së Kampionëve, Liverpuli fitoi të drejtën e 11-metërshit ndërsa arbitri akordoi penalltinë ende pa u mbushur 1 minutë lojë.
Megjithatë, kryesori nga Sllovenia, Skomina, nuk e pa të nevojshëm përdorimin e sistemit VAR, duke e vendosur penalltinë me intuitën e tij, edhe pse lojtarët e Totenhemit kërkuan të rishikoheshin pamjet.
Ndërkaq, pavarësisht situatës, Salah shënoi nga pika e bardhë. Pas ndeshjes, egjiptiani deklaroi se tashmë ka filluar t’i pëlqejë më shumë sistemi VAR.
“ Do ta shohim përdorimin e VAR sezonin tjetër, por tani më pëlqen. Ishte fantastike të fitonim ndeshjen”, tha sulmuesi. Pas ndeshjes dhe triumfit në finale, Salah tashmë shihet si një nga pretendentët për të fituar trofeun individual të ‘Topit të Artë’./VipSport/
