Vllaznia e futbollit te femrave do te mesoje neser ne dreke ekipet rivale ne turin e pare te “UEFA Women’s Champions League”. Kjo do te ndodhe ne oren 13.00 kur ne Nion te Zvicres do te hidhet shorti i ketij turi.
Sipas te dhenave paraprake, mesohet se ne turin e pare do te jene pjesmarrese 41 skuadra te cilat do te ndahen ne 11 grupe. 8 prej tyre do te jene me nga 4 skuadra, ndersa 3 grupe te tjera do te jene me nga 3 skuadra.
Ekipet jane ndare ne dy vaza paraprake teksa ne te paren jane 22 skuadra, mes te cilave renditet edhe Vllaznia e cila me koeficentin 16.800 renditet ne vendin e shtate. Kjo padyshim e ben ate te jete favorite per te qene koke grupi ne shortin e neserm.
Megjithate gjithçka do te mesohet ne shortin e neserm. Ndeshjet gjysmefinale ne grupe do te luhen me 6 shtator, ndersa finalet e grupit me date 9 te po ketij muaji, te cilat do te nxjerrin edhe fitueset qe do te kualifikohen per ne turin e dyte te ketij kompeticioni shume te rendesishem.
Vllaznia e femrave padyshim qe do te kerkoje pikesepari kalimin e turit te pare, megjithate çdo gje kuptohet sa i takon objektivave reale te ketij ekipi do te mesohet pas hedhjes se shortit te neserm.
Kujtojme qe vitin e kaluar kampionia e Shqiperise jo vetem kaloi turin e pare si fituese grupi, por u kualifikua edhe ne te dytin duke shkuar deri ne fazen e grupeve, pra ne 16 skuadrat me te mira te Europes. A do perseritet ky sukses edhe sivjet? Endrra vazhdon…
