Përfaqësuesja e shpresave e ka mbyllur me një barazim 2-2 në transfertë ndaj Estonisë, fazën e kualifikuese të Europianit të kësaj grupmoshe.
Kuqezinjtë e drejtuar nga Alban Bushi e gjetën veten dy herë në avantazh falë dy golave të shënuar nga Taulant Seferi, por presioni i madh i vendasve rezultoi i suksesshëm në të dyja rastet me Estoninë që na ndëshkoi në minutën e 32-të dhe në të 87-tën.
Shqipëria e mbyll në vendin e parafundit në renditje me shtatë pikë pas dhjetë takimesh, ku kemi regjistruar vetëm një fitore, katër barazime dhe pesë humbje, një ecuri kjo që duhet përmirësuar./sport-ekspres/
Estoni – Shqipëri 2 – 2
Shënues: Livak 32’, Kusk 87’ / Seferi 12’ 80’
Shqipëria: Kastrati, Maloku, Toli, Tafa, Kryeziu (Doka 46’), Laci, Seferi, Bare, Mucolli, Mala (Selahi 80’), Sahiti (Zeka 46’). Tr. Alban Bushi
Të gatshëm: Abibi, Ramadani, Lindon Selahi, Hebaj, Albi Doka, Basha,.
