Kthehet dueli Shqipëri-Izrael dhe kthehet kujdesi ndoshta i stërtepruar para kësaj sfide sa u përket masave të sigurisë.
Pavarësisht “blindimit” të qytetit të Elbasanit dhe stadiumit që disa ditë para ndeshjes, kërkuar nga autoritete e sigurisë izraelite, Ambasada Amerikane në Shqipëri u ka bërë thirrje shtetasve amerikanë që të jenë të kujdesshëm në ditën e ndeshjes.
Ajo nuk sinjalizon për rreziqe konkrete, por gjithsesi u ka kërkuar shtetasve amerikanë që të jenë të vëmendshëm, sidomos në afërsi të impiantit.
Ndeshja e dy viteve më parë mes Shqipërisë dhe Izraelit u zhvillua në masa shumë të larta sigurie pasi takimi u zhvendos nga Shkodra në Elbasan për shkak të një plani për atentat ndaj përfaqësueses izraelite në qytetin verior.
NJOFTIMI I AMBASADËS AMERIKANE
Në datë 7 shtator është planifikuar për t’u zhvilluar ndeshja e futbollit mes Shqipërisë dhe Izraelit në Elbasan në orën 20:45.
Ambasada nuk është në dijeni për ndonjë kërcënim specifik ndaj qytetarëve të SHBA-ve. Megjithatë, qytetarët e SH.B.A.-së duhet të tregojnë kujdes në afërsi të stadiumit të Elbasanit para dhe gjatë ndeshjes së futbollit.
Ndiqni udhëzimet e autoriteteve lokale, veçanërisht në rast urgjence. Monitoroni mediat dhe burimet e informacionit për planet dhe aktivitetet tuaja të udhëtimit. /vipsport/
