Java e dytë e kampionatit kombëtar të kategorisë së parë ka dhuruar sfidën Burreli- Vllaznia.
Këto dy skuadra në fakt u ndeshën edhe sot, por këtë herë në takimin e vlefshëm për Kupën e Shqipërisë dhe u ndanë në barazim 1-1.
Ndeshja e kampionatit do të ketë më shumë rëndësi për të dy ekipet dhe prandaj pritet një sfidë shumë më e fortë.
Nga sa merret vesh, ajo nuk do të luhet ditën e shtunë si shumë prej takimeve të tjera të kësaj kategorie.
FSHF ka vendosur ta shtyjë për të dielën. Që do të thotë se përballja Burreli- Vllaznia do të luhet ditën e fundit të kësaj jave dhe do të startojë në orën 16.00 në stadiumin “Liri Ballabani” të Burrelit.
Sigurisht që kuqeblutë do të udhëtojnë me objektivin e vetëm për ta fituar me çdo kusht këtë përballje.
© shkodrasport.com
