Lajme shumë të mira do të mund të lexoni në faqet e para të gazetave të sotme sportive. Dhe jo vetëm për optimizmin në kampin shkodran për ndeshjen me Kukësin por ka lajme edhe për interesim të një kompanie gjermane për të blerë klubin shkodran.Në faqen e parë të “Panorama Sport” ka një lajm shumë interesant ku shkruhet: “Privatizimi i Vllaznisë, e do aksioneri i Dortmundit”. Poshtë tij është nëntitulli ku shkruhet: “Gjermanët zotërojnë klubin e KEK-ut në Kosovë, në lojë edhe turqit”.
Më poshtë, ka edhe një artikull për merkaton ku në foto kryesore është Xhevahir Sukaj duke pozuar me fanellën e Vllaznisë dhe kjo skuadër vlerësohet si një nga më të mirat në merkaton e janarit. Ndërkohë në faqen e parë të gazetës “Sport Ekspres” është artikulli: “Gjoka e Pakult nuk luajnë për barazim, Vllazninë e duan gjermanët”. Për më tepër, lexoni më poshtë faqet e para të këtyre gazetave të ditës së sotme:
