Fitorja në Lushnjë ka rikthyer mesa duket optimizmin në kampin shkodran.
Një gjë e tillë është reflektur edhe në titujt e gazetave të sotme sportive teksa ka folur kapiteni Lika dhe po ashtu, duket se ka një interesim të tifozëve për ta mbështetur Vllazninë në ndeshjen e rradhës.
Kështu, në faqen e parë të gazetës “Panorama Sport” është artikulli me titull: “Vllaznia, Gilman Lika: Nuk dilja nga shtëpia”.
Ka edhe një mbititull në lidhje me këtë shkrim ku shkruhet: “Rrëfimi i kapitenit: Humbjet më futën në stres, presion nga familja dhe tifozët”.
Ndërsa në faqen e parë të gazetës “Sport Ekspres” është artikulli me titull: “Rritet besimi te Vllaznia, tifozët premtojnë mbështetje”.
Në faqet e para të këtyre gazetave ka edhe lajme në lidhje me kampionatet e moshave ku spikat padyshim Vllaznia e po ashtu ka lajme edhe për kategorinë e dytë teksa Veleçiku është pretendent dhe ka fituar edhe dje.
Por, për më tepër, lexoni më poshtë faqet e para të gazetave të ditës së sotme:
