Takimi që do të luhet mesditën e sotme në Tiranë në mes Partizanit dhe Vllaznisë ka marrë vëmendjen e duhur edhe të gazetave të sotme sportive të cilat flasin për rëndësinë e kësaj ndeshje për të dy ekipet nisur nga hallet që ato po kalojnë dhe po ashtu flitet edhe për merkato. Kështu, “Sport Ekspres” hapet me titullin e madh: “Sfidë hallesh dhe merkatoje në Tiranë”.
Në faqen e parë të kësaj gazete ka një vëmendje edhe për golin e shënuar mbrëmë nga mesfushori shkodran Armando Vajushi që rikthehet pas 1`5 muajsh tek goli në Itali. Sakaq, “Panorama Sport” hapet me titullin: “Partizani- Vllaznia, shans për të shëruar “plagët”. Ndërsa më poshtë është nëntitulli: “Edon Hasani lë pasoja. Zmijani dhe Lici: Klubi është pa Zot”.Për më tepër, lexoni më poshtë faqet e para të këtyre dy gazetave sportive të ditës së sotme:
