Dhuna e shfaqur në stadiumin e Kamzës, ku u sulmua arbitri Eldorian Hamiti është dënuar ashpër nga FSHF. Nëpërmjet një konference për shtyp, Sekretari i Përgjithshëm, Ilir Shulku ka folur për mediat duke e vënë të gjithë fajin te policia e rendit që nuk është e pranishme në stadium dhe ka kërkuar rikthimin e forcave të rendit.
“FSHF dënon dhunën ndaj Hamiti dhe të gjithë aktorët. Kërkojmë ndërhyrje nga policia dhe të ruajnë rendin dhe qetësin publike. Kërkojmë nga klubet që të merren masa për të mirën e ndeshjeve. Kërkojmë të zbatohen të gjitha ligjet për dënimet më të rëndë.
Duke u gjetur në këtë situatë, shohim me shqetësim praninë e policisë në stadium, pasi iu kemi dërguar shkresa zyrtare dhe nuk i kanë marrë përsipër. Në ndeshjen Skënderbeu-Partizani, pas incidenteve që kishim, kërkuam ndërhyrje të policisë dhe ki8shte rezultat 0-0.
Në ndeshjen Kukësi-Tirana janë identifikuar të gjithë autorët dhe nuk ka masa. Ka pamje të qarta në ndeshjen Partizani-Flamurtari dhe nuk janë marrë masa. Mediat e kanë mbështetur këtë. Biznesmenët po mbajnë gjallë futbollin me shpenzimet e tyre por policia private shton barrën financiare. Në ndeshjen e fundit u bë një ‘show’ nga policia ku tifozët hynë në fushë duke takuar futbollistët.
Media dhe opinioni publik ka pyetje: A është interesuar shteti shqiptar dhe policia që porti më i dashur të vazhdojë pasi deri më tani duket e vështirë shumë.
Jemi në mes të kampionatit dhe imagjino çfarë mund të bëhet në fund. Mund të shkohet në ndërprerje të kampionatit dhe shpresojmë që situata të mos agravohet. Nëse ligji aplikohet në mënyrë selektive, nuk është ligj.
Do të shikohet në mënyrë serioze nëse do të ketë reagim. E them që të shoh reagimin e policisë dhe të marrë përgjegjësitë e tyre.Ruajtja e rendit në vende publike është detyrë e policisë së rendit thuhet në ligj por nëse ka interpretime të tjera nuk kemi faj”, tha Shulku. /VipSport/
