Napoli luan sot në mbrëmje ndeshjen e Kupës së Italisë me Sasuolon dhe trajneri Karlo Ançeloti ka disa dilema për formacionin. Mbrojtësi kuqezi, Elseid Hysaj, sipas medieve italiane, është parashikuar titullar për këtë ndeshje.
Gjatë gjithë kësaj periudhe është folur për largimin e futbollistit shkodran nga Napoli dhe zërat e kanë çuar atë sa në Angli te Çelsi, edhe në Spanjë tek Atletiko, por deri tani nuk ka pasur asgjë konkrete.
Agjenti i lojtarit ka pasur së fundi një takim me drejtuesit e Napolit, por sërish nuk është se është hedhur shumë dritë mbi të ardhmen e Hysajt.
Formacioni i mundshëm i Napolit ndaj Sasuolos:
NAPOLI (4-4-2): Karnezis; Hysaj, Maksimoviç, Kulibali, Gulam; Kalejon, Diavara, Zielinski, Fabian; Insigne, Milik.
