Gjatë Rusi 2018, nëse dikush të përmend Nejmar, të shkon mendja menjëherë te rrotullimet e tij të pafundme në toke pas çdo prekje, shpeshherë simulime acaruese të cilat e kanë kthyer në një personazh të urryer për tifozët.
Një fatkeqësi, kur mendon se sa lojtar vendimtar është ai për Brazilin, duke shënuar me rregullsi në Botërorë e duke kaluar që tani dy emrat të cilët ka piketuar prej vitesh, Lionel Mesi dhe Kristiano Ronaldo.
Statistikat e Nejmar në Botërorë në fakt tregojnë se ai është shumë më efektiv se argjentinasi dhe portugezi, gjithmonë sa i përket këtij aktiviteti.
Në 9 ndeshje që ka luajtur në Botërorë, Nejmar regjistron deri tani 6 gola dhe 3 asist. Me pak fjalë, çdo 90 minuta ai është pjesë e një aksioni që përfundon me topin në rrjetë.
Mesi, në 19 ndeshje të luajtura, ka 6 gola dhe 6 asiste, që do të thotë se është aq vendimtar çdo 135 minuta. Ndërsa Kristiano Ronaldo, më 17 ndeshje regjistron 7 gola dhe 2 asist, që përkthehet me një aksion ku topi dërgohet në rrjetë në çdo 164 minuta.
Për më tepër, Nejmar sot arriti të bënte atë që Mesi e Ronaldo nuk kishin realizuar asnjëherë, ai shënoi në një sfidë me eliminim direkt në Botëror. /vipsport/
