Miratimi i 550 milionë lekëve të vjetra për Klubin e Futbollit Vllaznia natyrisht që nuk ka kaluar pa zhurmë e debate në mbledhjen e Asamblesë së tij. Një shumë që nuk duket e madhe por që në fakt nuk mjafton për të mbyllur vitin 2018.
Mjafton t’i referohesh projekt-buxhetit të paraqitur nga vetë klubi në këtë mbledhje dhe e konstaton lehtë këtë gjë. E ka konsistuar edhe ish- futbollisti i njohur i kësaj skuadre, tashmë anëtar i Këshillit Bashkiak Shkodër dhe madje kryetar i komisionit të sportit të tij- Vioresin Sinani.
Duke folur në këtë mbledhje, ai ka ngritur një shqetësim: “Ne po miratojmë shumën prej 550 milionë lekësh për Vllazninë por në fakt, drejtuesit e klubit kanë kërkuar 1 milardë e 250 milionë lekësh për të mbyllur çdo gjë sa i takon mbarëvajtjes së këtij klubi për këtë vit.
A mund të na thotë kush se ku do gjenden këto 700 milionët që mungojnë? Besoj se llogaritë janë të thjeshta dhe një përgjigje do të ketë për këtë gjë”.
Kësaj pyetje janë munduar t’i japin pyetje si administratori Gjyrezi ashtu edhe kryebashkiakja Ademi e cila ka siguruar se do të bëhet çmos për të rritur të ardhurat e klubit dhe nëse nuk ndodh, natyrisht që Bashkia do gjejë mundësi për të akorduar të tjera fonde.
© shkodrasport.com
