Me Panuçin në tribunë, Sindrit Guri po bën një ndeshje shumë pozitive me fanellën e Ostende kundër kampionëve të Anderlehtit.
Edhe pse skuadra e tij po humbiste me rezultatin 2-0 dhe dukeshin të dorëzuar, sulmuesi shqiptar ishte ai që rihapi fatet e takimit me golin e tij në minutën e 58′.
Ostende është ende në lojë për të marrë diçka nga kjo sfidë. Ky ishte goli i parë për Gurin me fanellën e Ostende dhe në praninë e Panuçit, ka rritur shumë shanset e tij për një grumbullim në kombëtare.
Vetëm dy ndeshje iu deshën sulmuesit që u transferua nga Kukësi në kampionatin belg që të gjente rrugën e rrjetës. Një start shumë i mirë për sulmuesin shkodran.
Edhe pse Guri bëri një ndeshje të mirë, skuadra e tij nuk arriti të shmangë humbjen kundër kampionëve të Andelehtit, të cilët fituan pa shumë vështirësi me rezultatin 5-2./vipsport.al/
