Gëzim Sinemati, ka qene i ftuar mbreme në Procesin Sportiv, dhe ka dhene një koment mbi situatën e krijuar së fundmi tek Partizani, pas arrestimit të Alban Hoxhës për drejtimin e mjetit në gjendje të dehur.
“Edhe më përpara pinte edhe Panajot Pano, edhe Sabah Bizi, edhe shumë yje të tjerë, por luanin futboll arti. Kurse këta të sotmit, nuk durohen edhe esëll. Dua të them, që të mos e fryjmë shumë këtë, se Alban Hoxha është kapur i pirë. Këtu tek ne, është e dhimbshme, por e vërtetë, se çështja e pijes është kulturë shqiptare. Të mos e fryjmë shumë derbin. Ata që pijnë, si para edhe pas derbit.
Puna është, pse ne emisionin duhej ta hapnim me punën e Alban Hoxhës, kur mund ta kishim hapur me një fotografi që ka botuar gazeta Panorama, ku 6 fëmijë transportonin një të dëmtuar, pa ambulancë pa asgjë, në një ndeshje tjetër janë rrahur 19-vjeçarët e Kukësit. Dhe ne bëjmë çudinë e madhe sikur kemi zbuluarn njërin që është kapur i pirë.
Këtë radhë i takoi Alban Hoxhës, por në Superligë, po i ndoqe nga mbrapa, do i nxjerrësh të gjithë. Po sikur të mos ishte derbi, do u merrnim kaq shumë? E di kush është lajm? Lajm është që një futbollist të kapet me doping, apo të kapet duke luajtur baste.
Shko në një darkë pas fitores, dhe priti, bëhu si polic, të fusim tubin, të shohim sa njerëz të Superligës do dalin me raki e me verë. Të gjithë janë me makina. Derbi nuk është perëndia këtu tek ne, nuk është ajo ndeshja që u shty në Argjentinë, ku robi jeton për atë ndeshje. Kjo është thjesht një nga goditjet që merr derbi.”
