Vllaznia e sezonit të ri po vijon “hartimet” e saj. Kështu, deri në fundin e fazës përgatitore, nuk përjashtohet mundësia që do të ketë emra të tjerë të rinj që do të afrohen.
Me Memellin në krye, Vllaznia synon të krijojë një ekip për pretendime madhore, ku së paku të tentohet kapja e zonës europiane. Klubi ka për qëllim vendosjen e themeleve edhe për një të ardhme të afërt dhe përgjatë kësaj kohe, drejtuesit po punojnë në të gjitha mënyrat e mundshme për skuadrën.
Nuk është çudi që brenda kësaj jave, të ketë edhe afrime të bujshme. Në fakt, mendohet se deri në fundin e fazës përgatitore, shkodranët të jenë konsoliduar, teksa në vijim do të zyrtarizohen edhe afrimet e reja. Në skuadër, për të dubluar rolet, do të tentohen të tjerë emra për të forcuar ekipin, teksa mund të bëhen të paktën edhe katër-pesë afrime.
Trajneri Migen Memelli po analizon edhe futbollistët që do të afrohen, gjithmonë në mbështetje edhe të rolit ku Vllaznia ka nevojë. Përforcimet priten të jenë në mesfushë, ku pas largimit të Jonuzit dhe boshllëkut të krijuar, mendohet që të afrohet një mesfushor kalibri. E njëjta gjë vlen edhe për në mbrojtje.
Maringlen ZHIVANI
