Giovanni Colella do të vijojë të jetë pjesë e Partizanit të paktën edhe për derbin. Mësohet se trajneri italian ka pasur një takim me drejtuesit teksa këta te fundit e kanë bindur të qëndrojë në krye të të kuqve.
Edhe pse ai ka dhënë dorëheqjen menjëherë pas humbjes 3-1 me Vllazninë në çerekfinalen e Kupës se Shqipërisë, presidenca e kuqe nuk ka dashur ta trazojë më shumë ambientin me një largim të trajnerit.
Kësisoj ai ka besimin e drejtuesve dhe të lojtarëve. Një rezultat pozitiv në derbi do të hipotekonte qëndrimi e tij në krye të 16 herë kampionëve të Shqipërisë.
Kujtojmë që ndeshja mes Partizanit dhe Tiranës është programuar të luhet të hënën, në orën 19:00, në stadiumin “Air Albania” në kryeqytet./newsport/
